कुणाला बोललो नाही पण

कुणाला बोललो नाही पण आज काल मला बरंच वाटत नाहीये

कुणाला बोललो नाही

पण आज काल मला

बरंच वाटत नाहीये

धड बसवत नाही

धड झोप लागत नाही

धड काही सुचत नाही

धड काही लिहिता ही येत नाहीये

कुणाला बोललो नाही

पण आज काल मला

बरंच वाटत नाहीये

दौतीन साथ सोडल्यावर

लेखणी कसे आचके देते पाहिलेत ?

तसंच काही तरी होतंय

आता आपण तडफडून - तडफडून मरणार

अस रोज रात्री

माझ्यातल्या कवीला वाटतंय

खर तर त्यालाच जगायची इच्छा उरली नाहीये

कुणाला बोललो नाही

पण आज काल मला

बरंच वाटत नाहीये

Psychiatrist म्हणतो

"हे तुमचे भास आहेत

कवी वगैरे कोणी नाहीये "

खरच मला भास होतायत

का मला वेड लागलंय?

छे

माझं मलाच काही काळात नाहीये

कुणाला बोललो नाही

पण आज काल मला

बरंचवाटत नाहीये

परवाच मला घरच्यांनी ADMIT केलाय

तेव्हा पासून कालपर्यंत

अखंड TESTS देतोय

आणि आज सकाळी

आलेल्या REPORT आवाज

अजून माझ्या कानात घुमतोय

" He is suffering from severe

DE-ALCOHOLATION

Lack of alcohol in blood "

आता मला घरच्यांशी नजर मिळवायची हिम्मत होत नाहीये

कुणाला बोललो नाही

पण आज काल मला

बरंच वाटत नाहीये

अभिषेक मु. प्रभुदेसाई