माझी सासु थोर आहे जीवाला माझ्या घोर आहे
रूपाने आहे चिकणी
हातात शोभे लाटणी
चमचम चमकणारी
चंद्राची कोर आहे
ढगांचा रोज गडगडाट
घरात चाले थयथयाट
मागे पुढे इथे तिथे
नाचणारा मोर आहे
पालथा घातलेला घडा
रोज नवा वाचावा धडा
तिखट मीठ लावलेलं
आंबटगोड बोर आहे
शेजार्यांच्या डोक्याचा ताप
सासर्यांच्या छातीची धाप
कमी न होणारा असा
अंगातला जोर आहे
काय पण? गोड आवाज
अलग मद मस्त अंदाज
गळ्याभोवती आवळलेला
फाशीचा दोर आहे
-मनिषा (माऊ )
दि .२४.०३.२०११
No comments:
Post a Comment